A Xunta de Galicia expresa o seu apoio ao piloto lucense Jorge Prado no obxectivo de revalidar o seu título como campión mundial de MXGP, a máxima categoría do Campionato do Mundo de Motocross, e reafirma o seu compromiso co circuíto que leva o seu nome e co proxecto que representa, para situar a Lugo como referente deste deporte.
O piloto disputará mañá no circuíto de Teixeiro a segunda proba do Campionato de España de Motocross, que servirá de antesala ao Gran Premio de Galicia que se celebrará en maio.
A Xunta destaca a súa implicación para facer posible que Lugo acolla este ano dúas carreiras de alto nivel, felicita a Prado polo título mundial logrado na pasada tempada e confía en que se reedite o éxito na presente campaña.