Formoso celebra que o baloncesto coruñés volva á máxima categoría do baloncesto nacional tras 55 anos e envía unha mensaxe de agarimo ao Obradoiro: “Esperamos que o ano que vén poidamos ver un derbi provincial na liga ACB”
O presidente da Deputación da Coruña, Valentín González Formoso, acompañado do vicepresidente Xosé Regueira, do deputado de Deportes, Antonio Leira, e de representantes dos diferentes grupos políticos da corporación provincial recibiron está mañá no Salón de Plenos da institución provincial á plantilla e o equipo directivo do Leyma Básquet Coruña, tras o ascenso do equipo coruñés á Liga ACB
Formoso felicitou ao Básquet Coruña por un “acenso histórico que, tras 55 anos, devolve o baloncesto coruñés á máxima categoría do baloncesto nacional” e agradecu a labor do club “non só canda gana, tamén cando perde” e a súa implicación para que “centos de rapaces e rapazas da Coruña e da súa comarca gocen dun deporte tan bonito”.
O presidente da Deputación enviou tamén “unha mensaxe de agarimo” ao Obradoiro: “Esperamos que o ano que vén poidamos ver un derbi provincial na liga ACB” e felicitou ao Breogán de Lugo, que manterá a categoría na vindeira tempada.
Pola súa banda, o presidente do Leyma Básquet Coruña, Roberto Cibeira, agradeceu a recepción “nesta casa de todos os concellos da provincia”.
“Vemos o deporte como unha forma de unir á xente e a repercusión deste ascenso é moito máis grande do que nos podíamos imaxinar”, afirmou Cibeira, que destacou que o segredo do éxito foi que os xogadores “puxeron o seu talento individual ao servizo de equipo, deixaron de lado os egos persoais e conseguimos algo que ninguén contaba ao principio de tempada”.
O presidente do Básquet Coruna afirmou que “temos ante nós un reto maiúsculo, ter todo estruturado para competir na mellor liga de baloncesto de europa e a segunda do mundo, tras a NBA” polo que demandou o apoio de entidades privadas e públicas e da afición para “dar un salto de calidade”.