O 1 de agosto aterra na sala Jesús Núñez, situada no edificio do antigo Reino de Galicia, cunha exposición que será inaugurada ás 19:30h pola alcaldesa María Barral. Tamén estarán Gabriel Piñana (Valencia) e María Xesús Díaz (A Coruña) ambos integrantes do colectivo. A exposición manterase ata o día 6 de setembro.
Participarán os seguintes artistas: Alejandra Pérez Alva (México), Arroyo Ceballos (Córdoba), Eva Raboso (Valencia), Gabriel Piñana (Valencia), José Domínguez (Martos, Xaén), José Carlos Ortiz (A Mancha) e María Xesús Díaz (A Coruña).
Dita exposición forma parte da programación, que leva a cabo o Concello con motivo das Festas maiores do municipio, que congregan cada ano a multitude de visitantes chegados desde distintos lugares de toda España. O seu intenso programa e a súa vistosidade fixeron que esta festa fose declarada de Interese Turístico Nacional.
¿Por que en Betanzos?
A artista María Xesús Díaz, é a única integrante galega do equipo e, únelle un vínculo familiar moi estreito coa cidade Betanceira. De aí a súa proposta ao grupo para levar a cabo o devandito evento.
COLECTIVO CERO é un grupo multidisciplinar que nace en Córdoba en 2004 promovido polo polifacético artista Francisco Arroyo Ceballos, e celebra os seus 20 anos de vida con distintas actividades artísticas.
A idea é promover a arte dentro e fóra do país. Ao longo de todos estes anos fóronse sucedendo diferentes e ambiciosos proxectos, dos que estamos moi orgullosos polo éxito obtido en todos eles.
Queremos seguir traballando e seguirémolo facendo. Quédanos un percorrido longo cheo de ilusións. Seguir espertando sentimentos a todos aqueles que estean dispostos a aceptar as nosas propostas, é o obxectivo polo que traballamos. Estamos seguros que Betanzos é o lugar adecuado. Unha cidade con moita historia e riqueza cultural.
Joan Lluis Montané da Asociación Internacional de críticos de arte dice o seguinte: «O devandito grupo harmoniza coa dinámica da arte actual, no que existe unha predisposición cara ás linguaxes persoais, nos que se mostra procuras inherentes a consolidar opcións distintas ás dos istmos máis tradicionais. Neste sentido tamén recuperan o espírito do antigo humanismo, dentro dunha liña claramente internacional e comprometida coa actualidade.»
Agradecemos a todos os responsables do Concello o apoio e excelente trato recibido e, é un gusto para o colectivo, a elección de presentarnos en Galicia por primeira vez.
Web do COLECTIVO: https://colectivo-cero0.webnode.es/