O Concello de Oleiros quere expresar o seu profundo pesar polo falecemento de Sito Sedes, un dos máis grandes artistas da música de Galicia e estreito colaborador do Concello. Figura senlleira da verbena galega, será especialmente lembrado polo seu destacado paso pola orquestra Los Satélites.
A voz máis cálida de Galicia seguirá soando a través de Radio Oleiros, emisora da que era fiel seguidor, pola súa calidade musical e na que foi entrevistado por última vez no 2021 con motivo do álbum que editou polos seus 50 anos na música.
Que a terra che sexa leve!