Os socialistas denuncian a mala organización e a programación deficiente das festas do Apóstolo: “as peores en anos.
O grupo municipal socialista de Arteixo lamenta a incapacidade do goberno local de Arteixo para xestionar a área de Cultura do concello, e valora moi negativamente a organización das festas do Apóstolo deste ano.
12 concelleiros con dedicación exclusiva
O portavoz socialista, Martín Seco, explica que malia ter 12 concelleiros con dedicación exclusiva, o goberno local “non é quen de incorporar actuacións de referencia ou novedosas como fan outros concellos na programación das festas patronais”.
Os socialistas acusan á Concellería de Cultura de ser “unha simple axencia de contratación de orquestras” para mesturalas con actividades das entidades socioculturales do concello. “É importante promocionar as entidades locais ao longo de todo o ano” explican, “pero nas festas é preciso completar esas actuacións cunha programación axeitada a un concello como o noso”, porque insisten en que Arteixo conta con orzamento dispoñible para programar actuacións de referencia que atraian tamén a xente de fóra do concello.
As peores festas que organizou o goberno do PP nestes 13 anos”
“É o mesmo ano tras ano”, sinala Seco, quen opina que as festas do 2024 probablemente foron “as peores que organizou o goberno do PP nestes 13 anos”