Para esta presentación contarán coa presenza do autor do cómic, Carlos Vila, da responsábel de ecoloxismo da executiva nacional do Bng , Olaia Ledo e da deputada no parlamento galego, Olalla Rodil.
O autor fala das mentiras que se están a difundir sobre a instalación da macrocelulosa así como das desvantaxes que esta instalación terá na zona da Ulloa e das comarcas por onde o río Ulla ten o se percorrido.
Falase neste cómic tamén do impacto tanto territorial como medioambiental e socioeconómico que esa instalación tería. E da defensa dunha proposta alternativa para a dinamización da Ulloa, Terra de Melide e Alto Ulla, en definitiva da defensa dun medio e dun rural vivos, produtivos e con futuro.
A deputada Olalla Rodil pídelle «ao goberno do PP que non impoña a construción da macrocelulosa na Ulloa,» e tamén lle pide » que non despreze á poboación que se opón a este proxecto, desprezo a máis de 20,000 persoas que co seu nome e apelido se opoñen a esta bomba ambiental» este desprezo do goberno galego é a xente deste país e ao seu medio de vida.
Dende o BNG sabemos cal é o modelo de industria, modelo de desenvolvemento social e económico que ten o PP para este país . O Bng ten un modelo de país moi claro «un modelo baseado nos recursos propios , no peche de ciclos produtivos, na xeración de valor engadido das producións especialmente aquelas de base local» rematou Olalla Rodil