Os populares celebran que, por fin, tras 4 anos e medio de espera se abra esta infraestrutura ao público.
O PP agradece aos colectivos e veciños anónimos “que nos arrouparon nos últimos meses nas accións de reivindicación promovidas polo Grupo Municipal” reflexionando “parece que a presión tivo efecto” en alusión as mensaxes permanentes que se colocaron en vallas, actos de protesta diante do auditorio, reunións veciñais e iniciativas a pleno e comisións.
Dado que a primeira actuación no recinto xa está confirmada, cumprindo así unha das demandas máis reiteradas pola veciñanza, o Grupo Popular manifestou o seu desexo de que o anuncio da inauguración do Auditorio de Magoi, non sexa un “ABRÍMOLO HOXE e PECHÁMOLO MAÑÁ. Reivindicamos unha programación estable e un modelo de xestión sólido para que o Auditorio de Magoi sexa un espazo cultural vivo e útil para os lucenses.