No encontro de traballo que se celebrou hoxe analizamos cos representantes das axencias de turismo e as guías como mellorar e impulsar as estratexias para prolongar a estancia media e potenciar o municipio de Lugo como un destino atractivo.
Compartimos con estes profesionais que dende o Concello é preciso:
· Potenciar as oportunidades que ofrece a ubicación de Lugo como lugar epicéntrico para abarcar toda provincia, así como recursos de gran valor fóra da mesma
· Facer unha páxina web de turismo para ofrecer contidos dixitais atractivos e accesibles para cidadáns e visitantes
· Maior coordinación coas axencias e guías turísticas para promoción de produtos locais coa idea de desestacionalizar e prolongar a estancia media
· Mellorar a recepción e atención aos visitantes na oficina municipal de turismo así como valorar cambio de ubicación deste servizo municipal que na actualidade está na Praza do Campo
· Mellorar o mantemento dos museos, onde as pantallas táctis levan anos sen funcionar
· Promoción exterior e maior protagonismo na Feira de Turismo Interior de Valladoliz, Intur que se celebra no vindeiro mes
· Por último, compartimos que se reforce a identidade do pequeno comercio e coincidimos en que a agresividade das obras do centro están reducindo o encanto e identidade da cidade.