Os bombeiros do parque Provincial de Ribeira foron alertados pasadas as 07:30 horas desta mañá dun desprendemento de restos dun tellado sobre a estrada AC-305, á altura do punto quilométrico 34 ao paso da vía polo lugar do Campiño, na Pobra do Caramiñal.
Á chegada dos bombeiros, os cascotes desprendidos ocupaban parte da vía e tamén había un cable desprendido por mor da caída destes. O operativo consistiu na súa limpeza así como na retirada doutros restos da fachada que presentaban risco de desprendemento garantindo así as medidas de seguridade para condutores e viandantes.
Completou o operativo a Policía Local da Pobra do Caramiñal.