A Xunta habilita a opción da autocita para que as embarazadas escollan cando vacinarse da gripe e da covid

Esta opción tamén está activa para as persoas con patoloxías crónicaa e en situación de inmunosupresión, os traballadores de servizos esenciais e os convivientes de persoas de alto risco

A Xunta vén de habilitar a opción de autocita para vacinarse da gripe e da covid en grandes recintos a aquelas persoas con patoloxías crónicas e en situación de inmunosupresión, ás mulleres embarazadas, aos traballadores dos servizos esenciais, persoal de centros sanitarios e sociosanitarios que estean pendentes de vacinar e aos convivientes de persoas pertencentes aos grupos de alto risco.

Deste xeito, desde a xornada deste xoves as persoas que pertenzan a estes grupos de poboación e con idades comprendidas entre os 12 e os 59 anos, poderán solicitar a súa cita a través da web do Sergas (É-saúde) ou da Aplicación Sergas Móbil.

Nestes grupos inclúense as persoas que padecen diabetes, obesidade, enfermidades cardiovasculares, enfermidade renal e hepática; profesionais das forzas e corpos de seguridade do Estado, bombeiros, protección civil etc.; embarazadas en calquera trimestre de xestación e mulleres durante o puerperio (até 6 meses do postparto); e os convivientes de persoas pertencentes aos grupos de alto risco.

A Consellería de Sanidade, a través da Dirección Xeral de Saúde Pública, tamén continúa a citar as persoas do grupo etario entre 60-69 anos, que comezarán a ser convocados a partir do día 21. Neste caso, as citas realízanse de maior a menor idade.

Até o de agora, un total de 419.205 galegos e galegas xa se vacinaron da gripe na actual campaña de inmunización.

No seguinte cadro, recóllense os horarios e lugares de vacinación habilitados pola Xunta de Galicia: