O pasado mércores, nas instalacións da EGAP, tivo lugar a primeira xunta directiva do novo equipo de traballo de Unión de Federacións Deportivas Galegas. Nesta xuntanza, establecéronse as bases sobre as que xirará o proxecto durante os próximos catro anos e analizáronse as principais necesidades do deporte galego federado, ademais de asistir á presentación dos CampionatosGalegos Universitarios.
O grupo dirixido por Javier Nogueira, ten intención, nos vindeiros días, de realizar reunións presenciais con todas as federacións deportivas galegas e poder analizar as principais necesidades de cada unha delas, para tratar asíde ofrecer o apoio necesario para atender aos problemas reais do deporte federado galego. A UFEDEGA está a actualizar a súa páxina web e as redes sociais, coa intención de potenciar a súa identidade de marca e de chegar a toda a masa social do deporte galego.
O presidente de UFEDEGA xa mantivo varias reuniónscoa Secretaría Xeral Para o Deporte coa intención de por en marcha iniciativas e proxectos que poidan resultar beneficiosos para o tecido deportivo federado de Galicia.
