O secretario xeral do PSdeG, José Ramón Gómez Besteiro, proclamou hoxe na clausura do 15º Congreso Nacional do Partido Socialista de Galicia que o PSdeG é a única esquerda con capacidade de gobernar Galicia: «Somos a alternativa real ao conformismo do PP e á Galicia da resignación que impón Rueda. Somos a esquerda que pode, a única esquerda que pode», afirmou ante un auditorio cheo de militantes e simpatizantes.
“Estamos preparados e preparadas para gobernar porque somos capaces de liderar o cambio en Galicia.
Hoxe comeza ese camiño. Non é unha frase feita, é unha firme convicción.
Sei que podemos ser a alternativa política en Galicia para cambiar este país.
Somos a esquerda que pode, a ÚNICA esquerda que pode:
A única, porque lideramos a transición ecolóxica, sen demagoxias.
A única, porque damos a cara, orgullosos do que defendemos, sen caretas, sen Entroido.
E a única, porque querer á túa lingua é compartila, sen apropiacións indebidas.
Por estas e moitas máis razóns, este partido ten unha folla de ruta propia e é a ÚNICA esquerda que pode. Estou convencido!”
Acompañado polo presidente do Goberno e secretario xeral do PSOE, Pedro Sánchez, Besteiro reivindicou o papel clave do socialismo para transformar Galicia, denunciando a parálise de 16 anos de gobernos do PP e poñendo en valor as políticas progresistas que xa están a mellorar a vida dos galegos grazas ao Goberno de España. «Dicían que era imposible manter un goberno de progreso en España e fixémolo. Fixéchelo, Pedro!», exclamou Besteiro, arrincando un sonoro aplauso.
O líder dos socialistas galegos fixo un chamamento á mobilización da esquerda, deixando claro que non hai atallos nin terceiras vías: o único cambio posible en Galicia pasa polo PSdeG. «Aquí hai tres opcións: unha dereita que só goberna para os seus, un nacionalismo que se pecha en si mesmo e un proxecto socialista que sempre puxo Galicia no centro. Nós somos a esquerda de todos e todas, a esquerda galega, a esquerda que pode e que vai gobernar», asegurou.
Un modelo de futuro fronte á decadencia do PP
Besteiro denunciou na súa intervención que a sanidade galega está ao límite e que máis de 200.000 galegos seguen agardando por unha cita cun especialista. «Cada día de goberno do PP en Galicia é un día máis de deterioro da sanidade pública e de negocio para a privada», advertiu. Reiterou o compromiso do PSdeG de reforzar a Atención primaria e reducir as listas de espera, garantindo un sistema sanitario público forte e accesible.
Tamén puxo o foco na necesidade dunha política de vivenda que dea respostas reais á mocidade. «Cada día hai tres novos solicitantes engrosando unha lista de espera interminable para acceder a unha vivenda. Por iso, o PSdeG creará un Banco Público de Alugueiro, para garantir prezos accesibles e que ningún mozo ou moza teña que marchar de Galicia por non poder pagar unha casa», anunciou.
Besteiro advertiu que a dereita galega instalou o país nunha espiral de decadencia, mentres o Goberno de España impulsado polo PSOE ofrece solucións reais. «Rueda négase a aceptar a condonación de 4.000 millóns de euros da débeda autonómica só porque é unha medida socialista. A alguén lle entra na cabeza que te chamen para dicirche que non pagues un terzo da débeda e ti digas que non? Este é o ‘sentidiño’ do PP», ironizou.
Na súa intervención, denunciou así mesmo a manipulación dos medios públicos en Galicia ao servizo do PP e asegurou que o PSdeG traballará para recuperar a pluralidade informativa. «Os galegos e galegas vivimos en liberdade vixiada. A Radio e Televisión Pública de Galicia converteuse nunha factoría de bulos e manipulacións co único obxectivo de perpetuar a dereita no poder. Iso ten que rematar», afirmou.
Sobre o modelo económico, Besteiro apostou pola reindustrialización e a transición ecolóxica, pero sen permitir «trampas nin especulación». Referiuse directamente ao proxecto de Altri en Palas de Rei, deixando claro que «ningún modelo industrial será imposto en Galicia sen transparencia, respecto ao medio ambiente e garantías para a cidadanía”.
Ademais, subliñou que a convivencia territorial é clave para o futuro do país. «Defendemos unha Galicia ben conectada cara ao exterior e no seu interior. Non queremos unha Galicia de dúas velocidades», afirmou.
Tamén destacou a importancia da convivencia social: «Falamos dos servizos públicos, da sanidade, da educación, da dependencia, da vivenda. Falamos da convivencia social. Nós non imos permitir que a mocidade sexa a ‘xeración sen casa’. Defendemos un Banco Público de Alugueiro para garantir o acceso á vivenda”.
Finalmente, fixo unha defensa apaixoada da democracia e da unidade europea fronte aos perigos do ascenso da extrema dereita e do nacionalismo excluínte. «O PP foi o cabalo de Troia co que a extrema dereita chegou ás institucións. En Galicia non, porque aquí a extrema dereita xa está acomodada no PP», advertiu.
O secretario xeral do PSdeG concluíu o seu discurso asegurando que «este Congreso marca o inicio dun camiño sen volta atrás. Galicia necesita un cambio e nós lideraremos ese cambio. Sen unha soa pinga de dúda. Ímolo facer!”.
Executiva do PSdeG
Presidencia: Carmela Silva Rego
Secretaría Xeral: José Ramón Gómez Besteiro
Secretaría de Organización: Lara Méndez López
Secretaría de Relacións Institucionais: Marta Álvarez-Santullano Fernández-Trigales
Secretaría de Igualdade: Silvia Fraga Santos
Secretaría de Política Municipal: Juan Manuel Rodríguez García
Secretaría de Administración, Acción Electoral e Réxime Interior: Luis Ángel Lago Lage
Secretaría de Economía e Facenda: Abel F. Losada Álvarez
Secretaría de Ordenación Territorio e Rexeneración Urbana: Noemí Díaz Vázquez
Secretaría de Política Social, Maiores e Dependencia: Natalia González Beneitez
Secretaría de Educación e Formación Profesional: Fabián Canosa Pasantes
Secretaría de Acción Territorial e Formación: Aitor Bouza Manso
Secretaría de Promoción Económica e Emprego: Nereida María Canosa Domínguez
Secretaría de Medio Ambiente e Emerxencia Climática: Rubén Prol Mariño
Secretaría de Sanidade e Voceiro: Julio Torrado Quintela
Secretaría de Transportes e Mobilidade Sustentable: Patricia Otero Rodríguez
Secretaría de Universidades e Ciencia: Julio Abalde Alonso
Secretaría de Movementos Sociais: Uxía Oviedo De Dios
Secretaría de Agricultura, Gandaría e Desenvolvemento Rural: Roberto Fernández Rico
Secretaría de Memoria Democrática e Laicidade: Iván Puentes Rivera
Secretaría de Cultura e Lingua: Silvia Longueira Castro
Secretaría de Estudos e Programas: Ángel Rivas González
Secretaría de Deportes e Políticas Saudables: Jorge Bustos Atanasio
Secretaría Políticas Forestais e Montes: Teresa Fernández Pérez
Secretaría de Rexeneración Democrática e Transparencia: Lorena Tenreiro Blanco
Secretaría Transición Enerxética e Planificación Industrial: Ángel Mato Escalona
Secretaría LGTBI: Aitor Rodríguez Casanova
Secretaría do Mar e Recursos Mariños: José Ramón Romero García
Secretaría Innovación, IA e Transformación Dixital: Francisco Cardama Santiago
Secretaría de Dereito a Vivenda: Iria Sobrino Fagilde
Secretaría de Análise e Prospectiva: Bárbara Domínguez González
Secretaría de Política Europea: Nicolás González Casares
Secretaría de Políticas de Seguridade e Emerxencias: Digna Rivas Gómez
Secretaría de Turismo: J. Ignacio Gómez Pérez
Secretaría de Emprendemento: Patricia Domínguez Barja
Secretaría de Función Pública e Xustiza: María Fernández Ojea
Secretaría de Despoboamento e Reto Demográfico: Ramón Alonso López
Secretaría de Comercio e Consumo: Gloria Prada Rodríguez
Secretaría de Galicia Exterior: Eladio Santos Martínez
Secretarías Executivas:
Marta Rouco Seoane
Ana Alvite García
Estefanía Taín Surribas
Celso Fernández López
Vaya colección de Secretarías sin responsabilidad de gobierno alguna !!!.Tutelados por Sánchez para seguir igual .No es fácil que despiste a nadie Gómez Besteiro dado que siempre cuenta lo mismo y no sabemos a qué cambio se refiere salvo que sea al conocido «quítate tú para ponerme yo» en la alternancia del poder del pasado con el PP .Parece que el BLOQUE sigue fuerte y Ana Pontón se mantiene por delante de G.Besteiro.Las promesas incumplidas y los «aires de grandeza» con sus manifestaciones entre los suyos demuestran que no quieren enterarse de lo que hay.Galicia no es el PSG-PSOE y la única Galicia que existe empieza a estar hasta las bolas de todos sus políticos .Lo suyo no es la «democracia» ,es la «dedocracia»(eliminando a los propios que como Gonzálo Caballero no comulgan con su plan) y a dedo se van colando entre ellos ,tratan de parecer que gestionan algo para seguir cobrando del erario público a base de lo que recaudan de sus militantes y de los votantes.La presencia del Presidente Sánchez no parece haber interesado a nadie ,salvo a los suyos .Hoy ,hay más asistencia de socialistas a la fiesta de la filloa de Lestedo que a su Congreso , podrían pensar los Conselleiros de la Xunta asistentes ,que se debe a su presencia .Gomez Besteiro sabe que la única Galicia que existe es la de siempre y que los propios a veces ,como es su caso ayudan a que Galicia se mantenga en lo de siempre .Los dirigentes socialistas asistentes al acto aprovecharán la reunión para invitar a Sánchez a darse una panzada de marisco en Santiago para ayudar al desarrollo turístico .»Que nos deixen en paz» ,cosa imposible por lo visto hasta ahora.