Xa se anunciou nas redes sociais hai un tempo, pero esta mañá fíxose o anuncio oficial e a presentación de Guido Guía como pregoeiro da XLV Romaxe de Penas de Rodas, que terá lugar o vindeiro domingo 29 de xuño en Outeiro de Rei.
O evento comezará ás 11h00 cun paseo guiado co propio Guido dende as Penas de Rodas ata o miradoiro da Terra Chá, o pregón terá lugar ás 13h00 e haberá moitas outras actividades ata o peche, que será a última hora da tarde.
As persoas que queiran anotarse ao paseo guiado con Guido poden facelo -gratuítamente- a través do correo electrónico guidoguiaturismo@gmail.com, e a hora e lugar de encontro serán as 11h00 nas propias Penas de Rodas.
