A Xunta de Galicia emitiu unha alerta preventiva debido á proximidade do lume aos núcleos de poboación en Nogueiró, no lugar de O Couto (A Cañiza). Esta medida, que activa a Situación 2 de emerxencia, busca protexer aos veciños e veciñas da zona ante o avance do incendio forestal.
Se recibiches a alerta: ¿Que facer?
Se o teu teléfono recibiu esta notificación, é crucial manter a calma. Le atentamente o contido da mensaxe, xa que contén instrucións específicas para garantir a túa seguridade. Seguir estas indicacións é fundamental para actuar de maneira efectiva e protexerte a ti e aos teus. As autoridades están a traballar para controlar a situación e manterán informada á poboación.
O presidente da Xunta de Galicia, Alfonso Rueda, utilizou as redes sociais para enviar unha mensaxe de ánimo e apoio aos afectados polo incendio forestal en O Couto (A Cañiza). Rueda expresou a súa «moita forza para os veciños afectados» e asegurou que «todos os equipos están traballando para garantir a seguridade» na zona.
Ademais, o presidente galego fixo un chamamento á responsabilidade, convidando a todas as persoas que se atopan na área afectada a seguir «as indicacións do 112 e permanecer atento aos avisos oficiais» para a súa propia seguridade e a dos equipos de emerxencia.
