O Club Deportivo Lugo e o ata agora xogador da primeira plantilla, Álex Carbonell, acordaron na xornada de hoxe o fin da súa relación contractual.
O centrocampista catalán, que se incorporou á disciplina albivermella o pasado verán procedente do fútbol neerlandés, finaliza así a súa etapa no Anxo Carro despois de defender a camisola do club durante a primeira metade desta tempada 2025/26. No seu paso por Lugo, Carbonell destacou pola súa profesionalidade e entrega no traballo diario co grupo.
Desde o CD Lugo expresan o seu agradecemento a Álex polo seu compromiso e o seu comportamento exemplar durante estes meses. A entidade dille adeus desexándolle o maior dos éxitos, tanto nos seus futuros retos profesionais como no ámbito persoal.
