A vaga de incendios que está a castigar os montes galegos neste inicio de verán continúa sumando focos activos. A última hora da tarde de hoxe, declarouse un incendio forestal no municipio ourensán de Boborás, concretamente na parroquia de Moreiras, afectando O Gabián y Becoña.
Segundo as primeiras estimacións provisionais facilitadas polas autoridades, o lume xa consumiu arredor de 20 hectáreas de superficie forestal.
Dispositivo de extinción
Os servizos de emerxencia e as brigadas de extinción da Consellería do Medio Rural desprazáronse de inmediato á zona para tratar de perimetrar o lume e evitar que se siga propagando debido ás altas temperaturas e ás condicións meteorolóxicas adversas que se rexistran estes días en toda a comunidade.
Videos: @raulgallego_26 dende Boborás
Esta nova incidencia súmase á difícil situación que atravesan outras zonas de Galicia, como Herbón, evidenciando a vulnerabilidade dos montes galegos ante esta temperá vaga de calor e a persistente problemática dos incendios forestais.
