Os seus concertos terán lugar o 2 e 3 de outubro na fábrica de chocolate e a mardi gras respectivamente.
Descubre más noticias musicales como ésta
A banda murciana Rata pasará por Galicia coa segunda parte da súa xiraBorrachos Tour con dúas paradas que os levarán o venres 2 de outubro á sala La Fábrica de Chocolate de Vigo e o sábado 3 de outubro á sala Mardi Gras de A Coruña. Estas dúas datas serán a única oportunidade de ver ao dúo en salas galegas, tras o seu exitoso paso polo festival Osa do Mar de Burela, onde foron unha das grandes actuacións da edición. As entradas para ver a unha das grandes revelacións da escena estatal neste 2026 están esgotadas para ambas datas.
A agrupación formada por Dani Sabater e Felix Esteban vén de publicar o seu primeiro disco de longa duración, No Me Quiero Morir Nunca, unha celebración á vida ruinosa, contundente e distorsionada no que conxugan o seu pop enérxico envolto en rock desenfadado. Con este traballo baixo o brazo, os de Murcia afrontan un ano no que o seu proxecto está a eclosionar de tal forma que xa formaron parte dalgúns dos carteis dos festivais máis importantes da península, como poden ser o FIB, o Mallorca Live, o Cruilla ou o Cooltural entre moitos outros.
Con estas datas, a banda eleva a súa xira estatal ata as 40 datas, reafirmando a súa posición como unha das bandas revelación deste 2026.
Venres, 2 de outubro – VIGO – La Fábrica de Chocolate
Apertura de portas: 21:30h
ENTRADAS ESGOTADAS
Sábado, 3 de outubro – A CORUÑA – Mardi Gras
Apertura de portas: 22:30h
ENTRADAS ESGOTADAS
