A Universidade Nacional de Educación a Distancia (UNED) celebrará o vindeiro 15 de outubro ás 19:00 horas o solemne acto de inauguración do curso académico 2024-2025 no salón de actos do Centro Asociado da UNED en Lugo. O acto estará presidido pola Vicerreitora de Estudantes, Dª Ana Lisbona Bañuelos.
Durante a cerimonia, Dª María Érika Reija López, politóloga, xornalista e correspondente española, impartirá a lección inaugural titulada “El poder de la información”, onde abordará temas clave relacionados co impacto dos medios de comunicación na sociedade actual e a súa influencia na percepción global dos acontecementos.
Ademais, no acto farase entrega das becas aos estudantes graduados no curso académico anterior, un total de 70 alumnos que recibirán un recoñecemento polo seu esforzo e dedicación.
En representación dos estudantes, Fernando Martínez Arribas e Antonio Fernández Nieto intervirán cun discurso en nome da súa promoción, destacando o valor da educación a distancia e a súa experiencia formativa na UNED.
A UNED de Lugo convida á comunidade académica e ao público en xeral a participar neste acto que marca o inicio dun novo ano académico cheo de oportunidades e desafíos.
Data: 15 de outubro de 2024
Hora: 19:00
Lugar: Salón de actos do Centro Asociado da UNED en Lugo