A primeira edición celebrada o ano pasado resultou un gran éxito. Máis de 4.000 asistentes gozaron nunha soa xornada de concertos exclusivos de bandas como Primal Scream, Metronomy ou Belle & Sebastian, pechando o verán ao grande
Tras o rotundo éxito da súa primeira edición en 2022, OUR FEST celebrará unha nova cita o vindeiro sábado 21 de outubro no recinto de Expourense, en Ourense. Un evento que promete este ano ser o festival que dea a benvida ao outono dunha maneira inesquecible.
OUR FEST converterase de novo nun encontro único que maridará ao longo dunha xornada a bandas internacionais de renome e grandes propostas nacionais, gastronomía e patrimonio nun marco de excepción como é a cidade das Burgas. Unha experiencia única ao redor da mellor música en directo.
A súa primeira edición, celebrada en setembro do ano pasado no recinto de Expourense, foi un rotundo éxito que atraeu a máis de 4.000 asistentes, entre os que se atopaban familias, grupos de amigos e amigas de todas as idades, que gozaron nunha soa xornada de concertos exclusivos de bandas como Primal Scream, Belle & Sebastian, Metronomy, The Big Moon e Julián Maeso Big Band. Un recinto accesible, cómodo e cun son coidado que fixo as delicias dos asistentes. A resposta abrumadoramente positiva da audiencia e o entusiasmo do público por despedir o verán ao grande, apoiaron o lugar destacado que OUR FEST gañouse no calendario de eventos de Galicia.
