O PP trasladará aos afectados do 5% do PXOM de Lugo a información de como queda o planeamento urbanístico 

Coincidindo coa publicación no Boletín Oficial da Provincia da aprobación definitiva do 5% que quedaba pendente do Plan Xeral de Lugo e que afecta a 67 ámbitos, en 43 parroquias, e en 7 espazos urbanos o PP anuncia unha campaña explicativa aos potenciais implicados

O Grupo Municipal do PP programa 14 encontros abertos para a veciñanza co obxecto de detallar cómo queda definitivamente o planeamento na súa zona e contestar as dúbidas da cidadanía

A próxima semana terán lugar SETE XUNTANZAS centradas e dar información sobre os ámbitos  da zona rural e se desenvolverán entre o mércores día 15 de novembro ata o sábado 18 de novembro nos locais sociais de Saa; Meilán, Orbazai, Castro, Esperante, Romeán e Teixeiro.

A seguinte semana o Grupo Popular estarános entornos próximos a espazos urbanos como son Ceao, Ramil, A Campiña, zona de Alto, Galegos, Ronda Norte e San Lázaro.

Agradecemento á Xunta

Os populares quixeron hoxe tamén agradecer á Xunta de Galicia a súa implicación á hora de desbloquear a situación do 5% do PXOM xa que “grazas á postura dialogante da administración autonómica na que en todo momento antepuxo os intereses dos cidadáns por encima doutros partidistas hoxe a aprobación definitiva do documento urbanístico máis importante de Lugo é unha realidade.

Hai que lembrar que o último atranco para aprobar o 5% foi debido á un informe da Confederación Hidrográfica do Miño Sil no que apuntaba que había unhas incorreccións na documentación que enviu o goberno local que imposibilitaban a súa aprobación.

Parroquias y ámbitos afectados