Este venres, 8 de decembro, a Asociación de Veciños de San Pedro de Mor e a Asociación Cultural e Xuvenial O Castelo, celebran a primeira edición do Mercado de Nadal no concello de Alfoz.
O Mercado contará con diversos postos de artesanía, adornos de nadal, accesorios, xoguetes, produtos delicatessen… Venda de chocolate con churros, biscoito, viño quente e bebidas variadas.
Ás 12h e ás 17h haberá obradoiros para os máis pequenos. Ás 19 horas, acompañadas dunha actuación musical navideña, acenderanse as luces da parroquia.
O Mercado de Nadal será no Atrio da parroquia de San Pedro e contará con carpa climatizada.
O horario do mercado é de 10h a 20h.