A voceira popular lamenta que ata o último minuto a alcaldesa siga instaurada na actitude de faltar a verdade de forma continua «unha actitude que utiliza para intentar convertir mentiras en verdades cando a realidade é que a Xunta é a única administración que fixo os grandes investimentos en Lugo e foi a alcaldesa a que puxo trabas ou non deixou facer as obras».
· Candia explicou que Lara Méndez torpedeou constante dos proxectos de rehabilitación no barrio da Tinería. O último exemplo da obstaculización é que dende agosto o IGVS está pendente de que respondan a un requerimento para intervir en 2 inmobles da Rúa Catedral (18-22). O concello ten que revisar o proxecto e determinar o nivel de intervención arqueolóxica
· A Rolda Leste foi sempre un ariete que se utilizou contra a Xunta de forma permanente ata cando tivo orzamento suficiente. Nese momento foi a primeria en opoñerse a súa construción.
· Os lucenses tamén seguimos esperando que o concello entregue a parcela que necesita a administración autonómica para a construción do Centro de Saúde do Sagrado Corazón. Dende novembro de 2021 a alcaldesa tiña unha carta da Xunta solicitando espazo para a súa construción.
· Non foi quen de entregar unha parcela para construción de vivenda pública. Lembrar o acordo ao que se chegou para non facelas no barrio do Castiñeiro asumindo o compromiso de poñer á disposición da xunta outros terreos para este fin.
· No Plan Paradai no ano 2015 a Xunta puxo en servizo a ponte paradai, cun investimento de 10 M€. Dende aquela, dende a administración autonómica, de maneira constante e reiterada, manifestou a vontade de seguir desenvolvendoo este plan, buscando solucións coordinadas co concello que respectasen o Plan Xeral. En 2020 a alcaldesa asina convenio CHMS, convenio que leva aplazando a súa execución. De feito, nunha das últimas xuntas de goberno que presidiu foi para adiar o investimento consignado para o 2023 e trasladalo ao ano 2024
· Incumpriu un acordo que tiña co Pte da Xunta para achegar fondos para o Museo da Romanización. A Xunta prestaba a súa colaboración para completar a porcentaxe que faltaba dando por feito que Lara Méndez conseguise dúas liñas de axuda de fondos europeos, unha denegouselle e a outra desistiu.
· A confrontación pola execución da praia fluvial é outro capítulo do bloqueo permanente de Méndez «ainda hoxe está máis pendente de ir aos tribunais para impugnar un informe da Xunta de Galicia que ven de ratifica o Comité Científico da UNESCO.
LEGADO DECEPCIONANTE
· Ben por falta de motivación, ou ben por falta de capacidade non foi quen de materializar e impulsar proxectos importantes para Lugo
· A situación económica é preocupante, dilapidaron os fondos de remanentes, deixando uns concello nunha situación complicada, e por primeira vez se pedirá un crédito de 13.5 M€; tamén debido a súa mala xestión tivemos que pagar indemnización millonarias pola fábrica da luz e máis os custes do derrubamento do Garañón e a incertidume das indemnizacións ao promotor.
· No eido medio ambiental o seu modelo sostible é un titular baleiro «fume e sen fundamento» como así se demostra con feitos obxectivos: fixeron uns proxectos estrela (edificio Impulso Verde, Caldas); non hai nin saneamento nin abastecemento no rural; o incumprimento da lei de benestar animal cunha protectora saturada en un estado lamentable ou a corta de árbores indiscriminada no casco histórico».
· A alcaldesa de Lugo tamén traicionou a confianza da veciñanza xa que prometeu proxectos clave como poñer en marcha o auditorio de Magoi, un novo pabillón polideportivo pero ningún se materializou.
· A xestión urbana empeorou, con retrasos nas licenzas ou incumprento do compromiso de rexenerar o barrio da Milagrosa; tampouco foi quen de actualizar o Plan do Recinto Histórico (PEPRI)
· Construiu un carril bici que complicou a comodidade e a vida da veciñanza de moitos barrios sen dar alternativas para aparcar
· Os retrasos nas obras do casco histórico cunhas planificación caótica que empobrece ao comercio local
· Cobro por sorpresa as taxas das terrazas cando prometera que non se lles pasaría o recibo
· A negativa a colocar cámaras de seguridade en zonas sensibles do municipio ou a tramitación eterna para adherirnos ao VIOGEN
· Deixa o concello con menos persoal: afectando a servizos básicos cunha administración máis lonxe dos cidadáns, menos áxil e pouco facilitadora.
———————————————————-