O equipo betanceiro, coa baixa de Dani Martín, conseguiu a súa 11º vitoria en 11 partidos, fronte a a un rival máis voluntarioso ca ben armado. É que, a pesar de xogar a medio gas, e dando minutos no último cuarto aos xogadores con menos “pista” esta temporada, os de Doc foron – e son- netamente superiores a un equipo, o Ensino, ao que a categoría talvez lle quede un pouco grande.
Se fronte a Cambre foron os interiores os que máis sumaron, desta volta houbo de todo un pouco, con Abelleira, o base titular, rubricando 18 puntos (4 de 5 en triplas) e os interiores Brezo e Sanjurjo anotando 14 e 12 tantos respectivamente.
O do sábado foi un deses partidos que hai que xogar, e o Ineltrón Santo Domingo Betanzos cumpriu o trámite á espera de volver a O Carregal logo dun par de meses. O rival, todo un clásico: o Rosalía de Castro, conxunto que esgota as súas posibilidades de acceso ao Grupo polo título no partido contra os betanceiros, en dura pugna contra o Obradoiro.
Será o domingo que vén ás 17h.
EnsinoLugo71:RozasPérez,SamuelVázquez5,SergioDasilva,FranciscoLópezBorrajo14,IsmaelJimenez11,IagoCarreira5,DonarJanoRivas17,AdriánSilvaPérez2,JuanBorregoYáñez23,MiguelÁngelVidal5,Jorge Coira.
Santo Domingo Betanzos: Will Pereiro 8, Abelleira 18, Sanjurjo 12, Dani Cayado 5, Jorge Cayado 2, Luis Portilla 4, Cardalda5,Latas2, Rozas 8,Ernest 2, Brezo14,PepeMoreno5.
Os júnior volven demostrar que a Segunda lles queda curta: 74-43 fronte a Arteixo.
Polo que toca ao resto de equipos do club, ademais da dura derrota dos infantís perante a Culleredo por 77-86, destaca a vitoria dos sénior de La Goleta por 52 por 81 fronte a Cambre e a dos júinior de Javier Codesido e Alberto Blanco fronte a Arteixo (74-43), no que vén sendo a súa segunda vitoria inapelable no seu regreso a Segunda División.