Duodécima xornada da Liga Ouro Cadete Masculina. Hierros Varela Urbieta Xiria 42 – Abegondo Atlántico Opemat 29 (23-11)
O Hierros Varela Urbieta cada día vai a máis, como así o demostrou este domingo diante do Abegondo Atlántico, equipo que o superara na primeira volta pola mínima, pero equipo ao que non dou oportunidade e contra quen se amosou moi superior durante todo o encontro.
Tras uns minutos de contacto co encontro, o Xiria sabía ben por onde facerse forte ante o rival, fortaleza no centro da defensa e non permitindo xogar cómodos cos continuos desdobramentos dos extremos. No ataque o Xiria marcaba tras elaborar con certa facilidade a pesar que por veces se precipitaba nos lanzamentos. Chegouse ao descanso co partido practicamente sentenciado, 23 a 11 para os locais.
Na segunda metade a relaxación propia do resultado e os numerosos cambios fixeron que o Hierros Varela Urbieta baixase bastante a intensidade defensiva, víronse uns 30 minutos finais de moitos goles onde o Abegondo a pesar de intentalo vía que non se achegaba no marcador.
Coa vitoria o Xiria segue a conservar a cuarta praza poñendo 2 puntos de por medio cos seus perseguidores, Chapela e Cangas que perdían seus compromisos nesta xornada.
Hierros Varela Urbieta Xiria 42 (23): Izan Cabeza, Xano Rama e Dani Marta(porteiros) Andrés Pombo 11, Nico Cancela 8, Saúl Fuentefría 3, Alvaro Gómez 4, Marcos Varela 9, Pablo Fraga 1, Xabi Fernández 1, Andrés Pedreira 1, Lucas Mateo 3, Nico Mejuto 1 e Rubén Nogareda
Abegondo Atlántico Opemat 29 (11): Enmanuel García, Gonzalo García 4, Iago Eiras, Daniel Anchilla 2, Adrián Insua 3, Lucas Faraldo 8, Damián 1, Mateo Martínez 7, Pablo Pardo , Cristian, Teo Fuentes 1, Roi, Emilio 2, Daniel Maceiras, Alejandro González 1.
Arbitraron: Renzo Díaz e Ivan Pazos