O Instituto de Estudos Ulloáns celebrará o Día das Letras Galegas na honra de Luisa Villalta o venres 17 de maio no castelo de Pambre (Palas de Rei). O acto, que comezará ás 18,00 h, está coordinado por Fernando García Penas, Andrea Santiso e Braulio Vilariño, e contarase coa actuación musical da profesora de acordeón meirega Marisa Dapereira e do escritor naviego Toño Núñez.
A filóloga Andrea Santiso encargarase do relatorio en torno á figura literaria de Luisa Villalta , e no recitado de poemas (propios ou poemas e textos de Luisa Villalta) intervirán os escritores e poetas: Fernando García Penas, Xosé Lois García, Mª José Gómez Alvite, Paco Ledo, Toño Núñez, Xosé Luis Otero Cebral, Xosé Luis Santiso, Ana Vila Portomeñe e Braulio Vilariño.