A xornada estivo organizada pola Rede de Municipios pola Agroecoloxía, e analizou o papel dos Concellos para garantir unha alimentación máis sostible e local
A concelleira de Participación e Servizos á Veciñanza, Cristina López, participou en Allariz na xornada Os concellos galegos: un papel fundamental na alimentación local sostible. A concelleira Cristina López destacou o importante papel da Praza de Abastos e do Mercado Municipal de Quiroga Ballesteros na distribución de productos de proximidade, e as distintas actividades que se realizan cada ano «para promocionar e dar visibilidade a estas dúas instalacións», entre as que destacou as visitas escolares ou as distintas actividades de distintos xéneros, como encontros, concertos ou xornadas.
«Continuamos a traballar para dinamizar a praza con este tipo de actividades, que permiten que toda a veciñanza de Lugo coñeza as instalacións e os distintos postos», afirmou Cristina López, que engadiu «buscamos que a veciñanza de Lugo aposte por realizar as súas compras na Praza e no Mercado, desfrutando da atención personalizada das e dos distintos comerciantes da instalación».
A xornada foi organizada pola Rede de Municipios pola Agroecoloxía en colaboración co Concello de Allariz, e estivo centrada no papel que os Concellos poden desenvolver para garantir unha alimentación máis sostible e local promovendo e apoiando os recursos e axentes do territorio. Existen no territorio galego xa algunhas iniciativas pioneiras e inspiradoras nese sentido e, ademáis de coñecelas máis en profundidade , a xornada abriu un espazo de diálogo entre os concellos asistentes para avanzar nunha mirada de sostibilidade social, ambiental e económica.