Noite de incendios en colectores do lixo en diversos puntos do Concello de Carballo

por Óscar de Souto

Os bombeiros do parque Comarcal Provincial de Carballo interviñeron esta madrugada en tres operativos causados polos incendios de colectores do lixo en diferentes puntos do Concello de Carballo.

O primeiro deles foi notificado ás 05:18 horas e afectou a dous colectores na intersección entre as rúas Camelias con rúa Begoñas. O segundo, ás 05:38 horas, calcinou catro colectores na rúa Verdillo, mentres que a terceira incidencia ocasionou danos a catro colectores na rúa Fondal Ponte, nas proximidades do cemiterio de Bértoa.

Pola forma como se produciron os incendios, todo apuntan que foron intencionados. Esta situación causou alarma entre a veciñanza de Carballo. A Garda Civil está a investigar para dar cos responsables destes incendios.

Foto. Consorcio Provincial Contraincendios e Salvamento A Coruña

Comparte éste artículo
Escribe tu comentario