Ata setembro, o xa escaso servizo de pediatría que se presta na Casa do Mar de Mera para a zona norte do Concello de Oleiros, vai ser eliminado
Os nenos e nenas de Dexo, Serantes, Maianca e parte de Dorneda serán derivados a Santa Cruz, onde tamén se recortarán á metade as horas de atención, pasando a atender só polas mañás. O mesmo sucederá en Perillo durante o mes de agosto.
«Esta situación vai provocar unha sobrecarga do traballo dos excelentes profesionais pediátricos que atenden os nenos e as nenas de Oleiros e un colapso nas citas». O Concello de Oleiros reclama que a Xunta cubra as vacacións dos facultativos e non se recorten servizos.
«O déficit de pediatras existente non é novo, xa vén de anos atrás. Xunta e Estado deben adoptar os cambios oportunos para a formación dos pediatras necesarios para o correcto funcionamento do sistema sanitario. A saúde dos nenos e nenas debe ser a prioridade número un da sanidade».