A Escola Politécnica de Enxeñaría de Ferrol (EPEF) e o Centro de Tratamento de Residuos Industriais de Galicia (CTRIG), situado no Concello das Somozas, acollen, ata o próximo mércores 24 de xullo, de 09:00 a 14:00 horas, unha nova edición do curso de «Xestor/a de Residuos: A Actividade Profesional Verde» que organiza a Cátedra Epifanio Campo, impulsada pola Universidade da Coruña en colaboración co Grupo Rodonita, e dirixe a profesora Maripaz Mateo.
O obxectivo fundamental desta formación é o introducir ao alumnado participante nos coñecementos e competencias básicas necesarias no ámbito da xestión de residuos industriais, para aqueles que queran desenvolver no futuro esta actividade profesional. Os contidos teñen un enfoque principalmente práctico, tendo en conta tanto a perspectiva profesional do xestor/a de residuos autorizado como a de calquera industria xeradora de residuos. O curso ten unha duración total de 30 horas.