Tras rexistrarse un incendio nun piso municipal con okupas na rúa Catedral e logo das queixas veciñais polo estado de abandono e o foco de insalubridade que representa un edificio, tamén propiedade do Concello, en Ramón y Cajal pedimos a PSOE e BNG que asuman a súa responsabilidade no mantemento destes inmobles
Ramón Cabarcos pide adoptar medidas urxentes nestes 2 edificios municipais que están baleiros, en ruína e sen uso para evitar que sigan representando un perigo e un foco de problemas para a veciñanza.
Os populares tamén cuestionan que socialistas e nacionalistas “utilicen o diñeiro de todos os lucenses para facer edificacións sen uso coñecido mentres descoidan as súas propiedades” xa que “é todo o contrario dos principios de sostibilidade e de ecoloxismo nos que basean o seu discurso”.
Exemplos que demostran que o concello de Lugo non coida o seu patrimonio.
- Edificio en ruinas situado na esquina entre a rúa Ramón y Cajal e o Carril dos Fornos, onde apenas é visible unha edificación de titularidade e xestión municipal. Esta parcela presenta unha situación selvática e é supón un foco de insalubridade que preocupa á veciñanza da contorna.
- Outro exemplo de falta de mantemento, tamén no casco histórico, é o do edificio sito na rúa da Catedral número 13 que mesmo foi okupado ilegalmente e no que tivo lugar, no mes de xuño, un incendio que puido acabar en traxedia. Neste caso o goberno municipal non prestou atención á problemática que había neste inmoble, a pesar das queixas veciñais, que levaban tempo advertindo dos riscos que supoñían ter okupas nesta vivenda.
Hai que lembrar que en ambos casos existen requirimentos á administración local para que solucionen os problemas derivados da falta de mantemento destas propiedades.
O goberno local ignorou estas peticións abandonado os inmobles á súa sorte, sen rehabilitalos, nin coidalos cando poderían ter uso colectivo e cultural dado que están situados en zonas históricas da cidade de Lugo.
