Os concelleiros do Grupo Municipal Popular de Monforte presentaron alegacións á ordenanza municipal fiscal reguladora do imposto sobre construcións, instalacións e obras (Icio)
A voceira popular, Katy Varela, sinala que as alegacións presentadas son relativas ao tipo impositivo e ás bonificacións xa que consideramos que “hai que fomentar a actividade económica e a rehabilitación no casco vello”.
As alegacións presentadas polo Grupo Municipal Popular de Monforte son:
1º.- Artigo 6 relativo a cota tributaria. Esta agrupación considera e solicita que debe manterse o tipo do 2% e non subir a un 3% tal e como se pretende coa nova redacción da ordenanza.
2º.- Artigo 7 relativo as bonificacións. A pesar de que se sube a bonificación ata un 50% da cota do imposto nas obras de rehabilitación realizadas dentro da actual delimitación de Conxunto Histórico Artístico de Monforte de Lemos, esta agrupación considera e solicita que a bonificación neste caso sexa dun 100 % para potenciar a rehabilitación do casco histórico.
“Parécenos que José Tomé quere sacar dos petos de todos os monfortinos os cartos que xa non ten dos remanentes que xa gastou e como quere seguir gastando sen control quere sacar os cartos de todos os veciños”, afirmou.