Os monfortinos Francisco Conde e Katy Varela participaron en Lugo na concentración para reclamar a liberdade de Venezuela

Os monfortinos Francisco Conde -deputado nacional- e Katy Varela -deputada autonómica- participaron na concentración celebrada en Lugo enmarcada na protesta mundial para reclamar a liberdade de Venezuela.

Os populares apoiaron esta concentración para defender a liberdade dos millóns de venezolanos que, tanto dentro como fóra do país, reclaman «democracia e liberdade, que son fundamentais para garantir o estado de benestar en todos os países do mundo».