Esta entidade, de recente creación, está financiada polo Consello Superior de Deportes e integrada por oito universidades de España e Italia.
Mañá venres, día 22 de novembro, a Facultade de Ciencias da Educación da Universidade da Coruña acollerá a xuntanza da Rede de Investigación Universitaria de Mentoría Dual para Deportistas-Estudantes de Alto Nivel (RUMDE).
Esta entidade, financiada polo Consello Superior de Deportes, está integrada por oito universidades de España e Italia: a Università degli studi di Roma «Foro Italico», a Universidade da Coruña, a Universitat Autònoma de Barcelona, a Universidad de Almería, a Universitat de les Illes Balears, a Universidad Nebrija e a Universitat Jaume I de Castellón; e ten como obxectivo elaborar un modelo innovador que facilite a integración do estudantado deportista de alto nivel español nas universidades e o desenvolvemento da súa carreira dualcomo deportistas e estudantes.
Esta é a segunda reunión que organiza a rede, logo da primeira celebrada en Madrid no mes de outubro, na que participou persoal investigador, xestor, atletas, educadores e expertos en psicoloxía, ademais doutros profesionais do mundo do deporte.
Esta nova xuntanza pretende aproveitar a experiencia do Grupo de Investigación Formación e Orientación para a Vida (FORVI) da UDC sobre mentoría dual, para deseñar un modelo innovador, adaptando o xa existente, que dea protección a este colectivo que estuda nas universidades españolas, mentres compite representando aos seus equipos, universidades, comunidades autónomas e ao país nas diferentes probas do calendario deportivo.
20 persoas, 11 grupos de investigación
RUMDE está formada por 20 persoas, que pertencen a varios grupos de investigación consolidados: Formación e Orientación para a Vida (FORVI), Performance and Health Group (GH-G) e Educación, Saúde e Actividade física: estudos de xénero (ESAFEX) da Universidade da Coruña (UDC); Educación, Salud y Rendimiento Deportivo (NÌKE) e Tecnología Digital y Didáctica (TECNODEF) da Universidad Internacional de La Rioja (UNIR); Psicología de l’activitat Física i de l’esport (GEPE) da Universitat Autònoma de Barcelona (UAB); Desarrollo Humano e Intervención Socioeducativa (HUM878) da Universidad de Almería (UAL); Ciències de lactivitat Física i lesport (GICAFE) da Universitat de les Illes Balears (UIB); Ciencias de la Actividad Física y el Deporte (CAFD) da Universidad Nebrija (UN); Fisiologia, Cura, Esport i Oncología (FICUDEO) da Universitat Jaume I (UJI); Laboratorio di Pedagogia Generale (LPG) da Università degli Studi di Roma “Foro Italico” (I ROMA05).
A rede conta ademais co aval e a colaboración do Athletic Club, a Real Federación Española de Atletismo, o Servizo de Deportes da Universidade de Huelva, a Asociación Xogadores Fútbol Sala, a Reitoría da Universidad Internacional de La Rioja (UNIR) e EAS_DualCreer Network.