A concelleira arteixá, Noelia Martínez Canosa, demandaralle no pleno ao Goberno Municipal que se proceda a arrombar as inmediacións da Escola de Educación Infantil (EEI) de Vilarrodís-Oseiro.
“Atendendo as peticións que nos achegaron veciños e veciñas, especialmente pais e nais de alumnado da Escola de Educación Infantil de Vilarrodís-Oseiro, por mor da situación na que se atopan as inmediacións da citada escola infantil, onde existen importantes fochancas no acceso e na zona de aparcadoiro,
zonas con abundante maleza e mesmo un cadro eléctrico sen porta, que ademais leva moitos meses cercado por uns valos provisionais e que non garanten a seguridade, presentamos ao pleno un rogo para solicitar que se proceda a arrombar as inmediacións da EEI de Vilarrodís-Oseiro” apuntan a Concelleira Noelia Martínez Canosa.
