A realización destes ensaios experimentais corre a cargo dun equipo de investigadores, liderado por José Ángel Jurado, pertencente ao Grupo de Mecánica de Estruturas do CITEEC.
O Centro de Innovación Tecnolóxica en Edificación e Enxeñaría Civil (CITEEC) da UDC está a desenvolver as probasde comportamento do deseño do viaduto sobre o río Douro, cuxa construción está prevista na autovía A-11, no seu tramo entre Quintanilla de Arriba e Olivares del Duero (Valladolid). Dito proxecto está realizado pola empresa K2 Enxeñería, na que participa antigo alumnado da Escola Técnica Superior de Enxeñeiros de Camiños, Canais e Portos da universidade da Coruña.
O deseño desta ponte en arco contempla unha estrutura de taboleiro curvo e o arco plano de sección variable, constituído por dúas seccións mixtas unidas por barras transversais e xuntadas ao arco de aceiro mediante cables.
Esas características fan desta unha infraestrutura moi singular, polo que analizar o seu comportamento dinámico fronte a cargas de vento e como vai reaccionar ás mesmas é unha cuestión clave. É esta a labor que están realizando un equipo de investigadores, liderado por José Ángel Jurado, pertencente ao Grupo de Mecánica de Estruturas do CITEEC.
A clave destes ensaios experimentais é caracterizar o comportamento do taboleiro e do arco da ponte fronte a cargas de vento. Estase estudando tamén que na estrutura non aparezan inestabilidades aeroelásticas como o flameoou a excitación por vórtices. Tamén se calculan as vibracións de bataneoproducidas por ventos con fortes rachas para asegurar que son admisibles e non afectan ao seu funcionamento e á seguridade.
A realización destas probas é posible grazas ao equipamento existente neste centro de investigación, un dos poucos en España que que conta con dous tuneis de vento para poder realizar este tipo de probas.
