O ulloán Sergio Alba, presentou o pasado Xoves Santo na sala Patio Scala de Taboada, o seu novo espectáculo «Dous Rombos… pasa para a cama!» esgotando as entradas ofertadas polo local para a ocasión, con moita antelación.
Ao longo dos 80 minutos de duración do monólogo, o artista subiu ao público na máquina do tempo, para volver a aqueles marabillosamente estraños anos da EXB, co humor sempre como fío condutor.
Sergio Alba, tamén autor do texto, confirmounos que o vindeiro mes de maio, o formato chegará a Santiago de Compostela o 1 de maio e á cidade de Ourense o mércores 28.
