O Concello de Antas de Ulla fixo entrega a Cruz Vermella dun último lote de produtos doados pola veciñanza para as persoas afectadas pola Dana en Valencia.
«Durante o suceso, a veciñanza de Antas doou unha gran cantidade de artículos de primeira necesidade que non puido ser recollida no momento polas entidades que estaban a facer fronte ao desastre, que comezaron a pedir principalmente doazónseconómicas», explica a alcaldesa Pilar García Porto.
«Dende entón, o Concello almacenou os artículos e foi realizando diferentes doazóns áspersoas afectadas a través de diferentes entidades e métodos, sempre que este tipo de axudas foron solicitadas», engadiu.
A rexedora agradeceu «a solidariedade da veciñanza de Antas», e destacou que Cruz Vermella «acherá os produtos deste último lote directamente ás persoas que aínda os precisen» na zona afectada.
