Chamounos Pepe Casal, quen fora Presidente da Casa de Galicia, candidato ás eleccións Europeas pola Europa dos Pobos e vello amigo. Quería dúas cousas. Que degustásemos a tortilla do Kaixo en Algorta, que a considera unha das mellores do mundo, e darnos conta de como o Partido Galeguista, fundado por Castelao, reinicia o sábado 5 de xullo no Grove unha nova andaina. O Partido Galeguista foi fundado nos anos trinta do século pasado por Castelao e os seus seguidores.
E dende o Kaixo púxonos en contacto con Chesqui, verdadeiro animador desta nova saída á superficie dun partido tan histórico e representativo da Galicia de sempre. Pepe Casal é o seu delegado en Euzkadi e foi con el con quen no seu día instauramos o Día de Galicia en Euzkadi e posteriormente o Día de Euzkadi en Galicia en tempos dos Lehendakaris Ardanza, Ibarretxe e Urkullu. Hoxe todo isto, como case todo, languidece, e sería preciso un novo impulso aproveitando os novos sistemas de comunicación. Hai xente nova en Galiza que o está esperando.
Foi un primeiro contacto, que conta co noso apoio moral, e a esperar que a máquina se poña en marcha. De feito, este luns, Pepe Casal estará en Galicia.
Sorte!!!
