Galicia viviu hoxe unha xornada con múltiples focos de incendios, aínda que, polo de agora, todos de pequeno porte. A situación mantén en alerta a gran parte do territorio, con especial atención ao sur da comunidade.
Entre os puntos afectados, rexistráronse incendios en:
- Arbo (distrito XVII)
- Monte Penaguda (Dena)
- Vincios (Pontevedra, distrito XVII)
- Polígono de Nantes (zona Costa Feira)
- Ribas de Sil (Augas Pequenas)
- Un pequeno foco en Camariñas (Costa da Morte)
- Cartelle (distrito XII)
- Carballedo (distrito DVII)
- Vincios en Gondomar (distrito XVII)
- Sanxenxo en Pragueira (distrito XIX)
- E o último incendio da imaxe en Vilardevós (distrito XIV)
Incendios controlados e alerta mantida
A Consellería de Medio Rural confirmou que os incendios de Cerdedo-Cotobade e Salvaterra de Miño foron oficialmente controlados. En Salvaterra, onde as chamas arrasaron 30 hectáreas, os reténs aínda traballan arrefriando a zona. Afortunadamente, a dirección do vento xogou a favor da localidade, afastando o lume dos núcleos de poboación e evitando unha desgraza maior.
Actualmente, algunhas localidades do sur de Galicia permanecen en risco extremo, mentres que case o resto do territorio galego se atopa en nivel laranxa de alerta por incendios. A vixilancia e a precaución son, polo tanto, máximas.
Fotografía.Vilardevós hoxe pola tarde
