Coordinador UCIN Galicia
Ourense é unha terra que ata agora non abordaramos de maneira específica, pero que para nós ten un peso esencial no presente e futuro de Galicia. Coincidindo coa presentación dos orzamentos municipais por parte do alcalde, cremos que é un momento clave para reflexionar sobre o que estas cifras significan para os ourensáns».
No noso análise preliminar atopa luces e sombras:
Aspectos positivos: Os orzamentos contemplan investimentos necesarios en infraestruturas básicas e determinados apoios ao tecido social, algo que sempre recoñecemos como valioso porque se traduce en beneficios directos para a veciñanza.
Aspectos preocupantes: Porén, tamén detectamos carencias en materia de desenvolvemento económico sostible, apoio real ás pequenas e medianas empresas e á mocidade ourensá, que precisa de oportunidades concretas para quedar e prosperar na súa terra.
Desde UCIN Galicia non queremos caer nunha crítica baleira nin na confrontación estéril. O noso compromiso é construír. Por iso, a través da nosa coordinadora provincial de UCIN Ourense, propoñemos tres liñas que poderían reforzar e complementar estes orzamentos:
- Plan de dinamización empresarial e de emprego xuvenil, con incentivos específicos para autónomos, emprendedores e pemes locais.
- Iniciativas de mobilidade e conectividade, que acheguen Ourense ao resto de Galicia e fomenten a igualdade de oportunidades.
- Maior investimento en benestar social e envellecemento activo, garantindo que ningunha persoa maior quede desatendida nunha provincia cunha alta poboación senior.
A nosa mensaxe é clara: Ourense merece máis, e UCIN Galicia quere ser parte activa desa mellora. Facémolo desde a empatía, escoitando á veciñanza, recoñecendo o que se fai ben e propoñendo solucións alí onde aínda queda camiño por percorrer.
Con esta primeira comunicación centrada na provincia, abrimos unha etapa de maior proximidade e diálogo con Ourense, porque cremos que a política útil nace da escoita activa e do compromiso honesto coas persoas.
