A eurodeputada do BNG reclama que a Comisión Europea teña en conta o impacto socioeconómico nunha nación pesqueira como Galicia.
Na Comisión de Pesca do Parlamento Europeoque tivo lugar esta mañá, a eurodeputada do BNG, Ana Miranda, expresou o malestar do sector pesqueiro galego ante a toma de determinadas decisións “desde os despachos e sen ter en conta a realidade dunha nación pesqueira como Galiza”. Ademais expresou a oposición á ampliación por parte da Comisión Europea das 87 zonas de pesca de augas profundas nas que se prohibe a pesca de fondo.
“En nome do meu partido, o Bloque Nacionalista Galego, quería expresar a nosaposición como representante de unha nación pesqueira, polo malestar que existeno sector pesqueiro cando se toman certas decisións”, manifestou Ana Miranda. “Por suposto que estamos a favor de medidas e de tratados e de directivas de conservación e de apoio á biodiversidade, pero queremos incidir moito nun aspecto que reclamou nesta comisión moitas veces, que é o impacto socio-económico”, incidiu a eurodeputada galega.
Segundo salientou Miranda neste sentido, “esta non é só unha comisión que lexisle ou que fale só de diversidade biolóxica, ten que ser tamén de la diversidade do mundo pesqueiro”. Ao respecto, cómpre salientar que o sector pesqueiro nunha nación pesqueira como Galiza representa case o 6% do PIB da economía, con máis de 4.000 tripulantes afectados nos portos galegos.
Preocupación no palangre
No tocante á proposta da Comisión de retomar a revisión das 87 vedas existentes e que pode afectar ao litoral, Ana Miranda explicou que o palangre demersalapenas incide nas poboacións vulnerables. “Quería expresalo hoxe, porque isto é unha preocupación nos portos de Burela, de Celeiro e de Ribeira”, manifestou, xa que a prohibición afecta a case o 80% da pesca de palangre en Galiza.
Finalmente, a eurodeputada galega rematou a súa intervención na Comisión de Pesca expresando a solidariedade con Portugal polo accidente acontecido en Lisboa e tamén polos afectados de todos os incendios que houbo en Europa, en especial na provincia de Ourense.
