O BNG de Vimianzocriticou no pleno do 8 de outubro a falta de transparencia do goberno local ao demorar ou ocultar de xeito deliberado documentación municipal, o que dificulta o labor da oposición.
A formación nacionalista tamén mostrou o seu desacordo co proceso de votación do nome do campo de fútbol “Irmandiño”, que cualificou de “pouco claro”. Ademais,criticou a recente decisión da alcaldesa de non responder ás propostas e preguntas da oposicón no propio pleno, aprazándoas para o remate do pleno seguinte, provocando que a oposición non teña momento de réplica.
O voceiro municipal do BNG, Benxamín Queiro, afirmou que“estas decisións son malas para a veciñanza, pois non garanten un debate democrático real”.
Entre as principais demandas do BNG destacan a falta de mantemento da estrada de Cereixo-Quintáns e de Señoráns-A Viqueira; así como a críticas á suba do prezo no servizo de madrugadores. Así mesmo, pediron explicacións acerca do silencio do goberno municipal ante a solicitude de información sobre a actividade da canteira de Caxadas presentada polo grupo nacionalista no mes de agosto.
