De cara ás xornadas de folga do 16 e 17 de decembro no ensino público galego, a CIG-Ensino de Lugo vén de convocar unha serie de asembleas comarcais de tarde, abertas a todo o profesorado, co obxectivo de facilitar a participación e a organización colectiva nas mobilizacións.
Nestes encontros informarase das mobilizacións previstas, analizarase a situación actual nos centros e coordinaranse posibles accións previas ás xornadas de folga, co fin de “prender a faísca” e socializar o conflito educativo en cada comarca.
As asembleas previstas son as seguintes:
- Vilalba: 3 de decembro, ás 18:30 h, no IES Lois Peña Novo
- Monforte: 4 de decembro, ás 18:30 h, no IES Daviña Rei
- Sarria: 9 de decembro, ás 18:30 h, no IES Gregorio Fernández
- Monforte (Lugo): 10 de decembro, ás 18:30 h, no IES Lucus Augusti
- A Mariña: xoves 4 de decembro, ás 18:30 h, no local da CIG de Burela
Desde a CIG-Ensino Lugo faise un chamamento ao conxunto do profesorado a participar activamente nestas asembleas e a difundir a convocatoria entre as compañeiras e compañeiros dos centros, de cara a reforzar a resposta colectiva nas folgas do 16 e 17 de decembro.
