A apertura inicial das instalacións prolongarase ata xuño.
O presidente da Deputación de Ourense, Luis Menor, anunciou que o Museo Galego do do Entroido, situado en Xinzo de Limia, reabrirá este domingo as súas portas coincidindo coas datas desta tradicional celebración, apertura que prolongarase inicialmente ata o mes de xuño.
Luis Menor puxo tamén énfase nunha segunda e máis importante nova relacionada con estas instalacións. Así, adiantou, a Deputación de Ourense, a Xunta de Galicia e o Concello de Xinzo de Limia están a traballar na redacción dun convenio que permita manter aberto o museo durante todo o ano.
O presidente provincial expresou a súa satisfacción tanto pola apertura temporal como polo froito que vai dar a colaboración interadministativa para que o Museo Galego do Entroido poda ser visitado en calquera momento do ano.
Menor trasladou a súa confianza nunha solución definitiva para un museo “que ben merece o Entroido, como parte da nosa identidade e tradición”, así como Xinzo de Limia por se tratar dunha festa declarada de interese turístico internacional.
Ata o momento, o Museo Galego do Entroido permanecía pechado, acollendo visitas e actividades puntuais, principalmente de colexios, a través da xestión directa do Concello de Xinzo de Limia e da Deputación de Ourense.
