Os membros do Corpo de Bombeiros do SEIS do Excmo. Concello de Pontevedra, e en especial os integrantes da sección sindical da CNT no mesmo, desexamos trasladar o seu mais sentido pesar e apoio ás vítimas e aos seus familiares nestes intres de perdida e dor tras do fatídico incendio acontecido no barrio de Recimil no Ferrol o pasado día 19 de febreiro.
Asemade facer patente a nosa solidaridade, apoio e comprensión aos compañeiros dos servizos de Ferrol e Narón que houberon de padecer tan tráxicas e estresantes circunstancias, cunhas consecuencias irreparables tanto no ámbito físico coma no emocional, e que asemade nos eidos persoal e profesional non lles será doado sobrelevar.
Por último desexamos sinalar que as recurrentes, xeneralizadas e insistentemente denunciadas carencias nas materias de persoal e Prevención de Riscos Laborais entre outras, que pola banda dos responsables políticos das distintas administracións públicas da Galiza estamos a padecer os servizos de bombeiros e emerxencias reflíctense nunha maior inseguridade dos profesionais e dos cidadãns. De xeito que é mester que tanto uns coma os outros demos un paso a fronte e poñámos todo o que esté nas nosas mans para evitar a repetición destes tráxicos acontecementos.
