Récord de inscricións nesta sexta edición que se celebrará o sábado 13 de xuño.
Este ano serán 300 as persoas participantes no Cros de obstáculos que o Concello de Dumbría, en colaboración co equipo local ConcoBox, organizan ao carón das instalacións municipais do Conco – Dumbría.
Serán 250 persoas as que participarán na categoría de adultos e 50 rapaces e rapazas nas categorías base.
Tanto a rapazada coma os adultos recibirán unha medalla finisher. A maiores, os adultos levarán unha camiseta conmemorativa do evento.
Ao final da proba os participantes terán un avituallamento nas mesmas instalacións.
O circuíto conta con máis de 30 obstáculos, moitos deles naturais e algúns creados para a ocasión.
- Categorías base: 1,5 km. Para a rapazada nacida entre os anos 2010 e 2016
- Percorrido curto: 3,75 km
- Percorrido longo: 7,5 km
.
Con este elevado número de inscricións constátase o crecente interese que esta disciplina esperta tanto dentro da Costa da Morte coma fóra, xa que son moitos os deportistas chegados de toda Galicia.
Agardamos que tanto participantes coma público gocen dunha xornada de deporte, diversión, amizade e compañeirismo, coma todos os anos.
