O Concello de Lugo vén de nomear a Iván Fernández Araujo como xefe de Servizo da área de Persoal. Este nomeamento forma parte do traballo que está a desenvolver o Goberno local para fortalecer a estrutura municipal, consolidar os equipos e dotar o Concello dunha organización máis sólida, capaz de responder con maior axilidade ás necesidades da cidadanía.
A alcaldesa daba a benvida a este profesional salientando que reforzar os recursos humanos é tamén reforzar a capacidade do Concello para prestar mellores servizos públicos.
