As persoas interesados en participar nesta xornada de encontro poden retirar as súas entradas na sede do Partido Popular de Lugo ou contactando coas distintas agrupacións locais.
O Partido Popular da provincia de Lugo celebra a súa tradicional pulpada o vindeiro domingo 25 de outubro coa participación do presidente do PPdeG, Alfonso Rueda, e a secretaria xeral, Paula Prado, que se unirán a esta xornada na que a presidenta provincial, Elena Candia, exercerá de anfitrioa.
A xuntanza terá lugar no hotel Torre de Núñez, en Conturiz (Lugo), a partir das dúas e media da tarde e contará coa participación de distintos representantes do Partido Popular que compartirán esta reunión “da gran familia do PP lucense”.
Están previstas as intervencións de Alfonso Rueda e Elena Candia antes dun xantar que contará co polbo como prato protagonista da cita que a formación celebra anualmente coincidindo coas festas de San Froilán na cidade de Lugo.
Elena Candia convida aos lucenses a unirse: “esta xornada serve para reunirnos, compartir e coller forzas para seguir traballando e ofrecendo aos lucenses, galegos e españois un proxecto responsable, estable e ilusionante”.
As persoas interesadas en participar xa teñen as entradas á súa disposición na sede do PP lucense (rúa Ramón Cabanillas, 14, Lugo) ou contactando coas distintas agrupacións locais do Partido Popular na provincia.
