A preinscrición abrirase o 16 de outubro ás 9.00 horas.
A Asociación de Amigos da Casa das Ciencias organiza en colaboración co Aquarium Finisterrae ‘Durmindo con tiburóns’, actividade na que nenos e nenas entre 10 e 12 anos realizan talleres sobre a bioloxía dos tiburóns e durmen na sala Nautilus rodeados de peixes.
Convocaranse tres sesións para os meses de outubro, novembro e decembro de 2026 dirixidas a nenos e nenas nacidos entre o 1 de xaneiro de 2015 e o 31 de decembro de 2016. En cada sesión convocaranse un máximo de 20 prazas, e desenvolverase nun horario que se estende desde as 20 horas do venres ata as 11 horas do sábado seguinte.
A preinscrición para as tres sesións, que serán o 30 de outubro, o 27 de novembro e o 18 de decembro, abrirase en liña ás 9.00 horas do 16 de outubro neste formulario: https://forms.gle/QuMFV6Vy5rzpyb719
O prezo da actividade é de 45 euros. Para os nenos e nenas membros da Asociación de Amigos da Casa das Ciencias o prezo é de 20 euros. Cada participante empregará o seu saco de durmir, esteira e neceser para o aseo persoal e deberá levar a súa propia comida e utensilios.
