O portavoz do BNG no Concello de Lugo, Rubén Arroxo, denunciou este venres durante o pleno municipal que o actual goberno local do Partido Popular está a retornar «aos anos 90 cunha desastrosa xestión económica». Arroxo desmontou o discurso da oposición popular tirando de datos oficiais: «A Conta Xeral de 2025 amosa que se cumpriu cos obxectivos de estabilidade orzamentaria, a regra de gasto e os límites de débeda; o relato catastrofista do PP cae só».
O líder nacionalista lembrou as críticas vertidas polo PP no anterior mandato sobre a suposta «dilapidación de remanentes», contrapoñéndoas coa actual realidade económica municipal. Segundo Arroxo, na última etapa de goberno popular do pasado e na actualidade rexístrase o mesmo patrón: centros de facturas de autónomos e pequenos empresarios con todos os trámites administrativos listos que son paralizados nos caxóns.
Dous modelos de xestión económica enfrontados
Durante a súa intervención, Arroxo evidenciou as grandes diferenzas na administración dos recursos públicos:
- Modelo BNG (anterior goberno): Transparencia e axilidade no pago. Ningunha factura co trámite rematado quedaba sen ir a pleno inmediatamente. Os remanentes utilizáronse de forma extraordinaria para soster os servizos públicos e axudar a autónomos e empresas durante a crise sanitaria da COVID-19.
- Modelo PP (actual goberno): Facturas gardadas nos caxóns durante meses dependendo de quen faga o traballo, e políticas fiscais orientadas a «baixar os impostos ás rendas máis altas, reducindo a capacidade económica do concello».
«A xestión económica do Partido Popular lamentablemente está levándonos por mal camiño, pero agardemos que sexa durante moi pouco tempo», sentenciou Arroxo, reprochando tamén que mentres se bloquean pagos básicos, o executivo local destina cartos a festąs e actos lúdicos no canto de atender as urxencias reais da cidadanía.
